Na asemblea ordinaria celebrada o pasado 9 de setembro, a asociación aprobou a renovación da súa Xunta Directiva, que queda oficialmente constituída segundo a imaxe que acompaña esta nova.
A nova directiva asume o compromiso de continuar co traballo desenvolvido ata o de agora, reforzar a participación das persoas socias e impulsar novas iniciativas que contribúan ao crecemento e dinamización da entidade.
A Xunta Directiva da Peña Eternos do Barça de Ourense convoca a todos os socios e socias á Asemblea Xeral, que terá lugar o vindeiro mércores 9 de setembro, no noso local social da Rúa Xoan de Novoa.
A reunión celebrarase ao rematar o partido da Champions League, co obxectivo de facilitar a asistencia do maior número posible de socios e socias.
Durante a Asemblea abordaranse os diferentes asuntos de interese para a Peña, así como a situación actual da entidade e os proxectos e actividades previstos para a nova tempada.
Desde a Xunta Directiva animamos a todos os socios e socias a participar e achegar as súas opinións, propostas e suxestións. A participación de todos e todas é fundamental para seguir facendo medrar a nosa Peña.
Contamos coa túa asistencia!
Força Barça! 💙❤️
A Peña Eternos do Barça de Ourense informa a todos os seus socios e socias de que as cotas para a tempada 2026/2027 se manteñen nos mesmos importes que na tempada anterior.
Na imaxe que acompaña esta nova pódense consultar os diferentes tipos de cotas e os importes correspondentes para esta nova tempada.
Deste xeito, a Xunta Directiva aposta por manter as mesmas condicións económicas, facilitando así a continuidade dos socios e socias e a incorporación de novas persoas á nosa Peña.
Animamos a todos os peñistas a manterse ao día no pagamento da súa cota e a seguir participando nas actividades e encontros que organizaremos ao longo da tempada.
Grazas a todos e todas por seguir facendo crecer a Peña Eternos do Barça!
Força Barça! 💙❤️
Chega o frío, os turróns, as panxoliñas… e como non, a Lotería de Nadal da Peña Eternos do Barça! Este ano xogamos co número máis culé e máis cheo de ilusión: o 63123.
Dicen que a sorte hai que buscala… e nós xa a temos reservada. Só falta que ti collas a túa participación, porque quen sabe, igual o 22 de decembro o Gordo ven vestido de blaugrana directo ao noso local 🎁🔵🔴.
Imos imaxinar un momento:
👉 O 63123 sae premiado.
👉 Ti tes a túa participación.
👉 E celebrámolo todos/as xuntos na Peña cun vermut ben frío, cantando o himno do Barça a pleno pulmón.
Non deixes que che conten a festa, ti tamén podes ser parte! 🍀
📌 Participacións dispoñibles no noso local social.
📌 Número: 63123 (o número que xa soa a campión).
⚡Acorda, que quen non xoga… non gaña! E lembra: este Nadal, ademais de soñar co triplete, soñamos co Gordo.
Visítanos, colle o teu décimo e dálle unha oportunidade á sorte de vestirse de azul e grana 💙❤️
📢 Novas tarifas da Peña 2025/2026 📢
Informámosvos que xa están dispoñibles as tarifas para socios e socias da tempada 2025/2026.
O pagamento poderá realizarse directamente no local social ou, se o preferides, mediante transferencia bancaria á conta da Peña.
✅ Seguir formando parte da nosa familia culé é a mellor maneira de vivir e animar ao noso Barça!
